Расман! Гарет Бэйл янги жамоага кўчиб ўтди (ФОТО)

“Лос-Анжелес” клуби матбуот хизмати “Реал”нинг уэльслик ҳужумчиси Гарет Бейлнинг трансферини эълон қилди.

Футболчи Америка клубига текинга кўчиб ўтган, чунки унинг мадридликлар билан амалдаги шартномаси июнь ойи охирида тугайди. Бэйл янги жамоаси билан “1+1,5” кўринишида шартнома имзолади.

Маълумот учун, 32 ёшли Бэйл 2013 йилдан бери "Реал" сафида тўп суриб келаётган эди. Умуман олганда, у “қироллик клуби” таркибида жами 258 та ўйин ўтказиб, 106 та гол урган ва 67 та голли узатмани амалга оширган. У бунгача  “Саутгемптон” ва “Тоттенхэм” клубларида ҳам ўйнаган.