Расман! Ибрагимович "Милан" билан шартномасини яна бир йилга узайтирди (фото)

"Милан" жамоаси футболчи Златан Ибрагимович билан шартномани узайтирди. Бу ҳақда клуб расмий сайти хабар берди. 

Янги келишувга кўра, Златан яна бир йил "қизил-қоралар" сафида тўп тепиши мумкин. У янги мавсумда ҳам 11-рақамда тўп тепади.

Маълумот ўрнида, Ибрагимович ўтган мавсум А Сериянинг 23 ўйинида 8 гол ва 3 ассист муаллифига айланган. Шунингдек, у чемпионлар лигасининг 4 баҳсида иштирок этишга муваффақ бўлган.