Расман: "Локомотив"да португалиялик мураббий иш бошлади

Португалиялик мутахассис Микаэл Секейра расман Тошкентнинг "Локомотив" клуби бош мураббийи этиб тайинланди. Бу ҳақда "темирйўлчилар"нинг "Твиттер"даги саҳифаси хабар тарқатди. 

Секейранинг сўнгги жамоаси БААнинг "Ан-Наср" жамоаси ҳисобланади. Мутахассис у ерда мураббий ёрдамчиси сифатида ишлаб келаётганди.

Эслатиб ўтамиз, Микаэл фаолияти давомида Португалиянинг "Фамаликан", "Мерелиненсе", "Трофенсе", "Фреамунде" каби клубларида мураббийлик қилган. Қолаверса, Секейра "Брага" клубида бош таҳлилчи мутахассис сифатида ишлаган.