Расман! "Манчестер Сити" дарвозабони билан шартномани янгилади

"Манчестер Сити" Штефан Ортега билан амалдаги шартномани янгилади. Бу ҳақида клуб ўз саҳифаси орқали маълум қилди.

Германиялик посбон шу ёзда эркин агентга айланиши мумкин эди, лекин у жамоада қолишга қарор қилди. Шуни ҳам таъкидлаш керак, Ортега 2022 йилдан бери "шаҳарликлар" сафида тўп тепиб келмоқда. 31 ёшли дарвозабон мазкур мавсум 20 та ўйинда майдонга тушишга муваффақ бўлди. 

Эслатиб ўтамиз, ушбу трансферлар ойнасида Эдерсон Мораес "Манчестер Сити"ни тарк этиши мумкин. Унинг ўрнига клуб янги посбон изламоқда.