Расман! "Манчестер Сити" Эчеверри трансферини эълон қилди

Расман "Манчестер Сити" Клаудио Эчеверрини ўз сафига қўшиб олганини маълум қилди. 

"Шаҳарликлар"га ярим ҳимоячининг трансфери учун 14,5 миллион еврога тушди. Футболчи билан эса 2028 йилнинг ёзига қадар шартнома имзоланди. Эчеверри 2025 йил қишки трансфер ойнасида "Манчестер Сити" сафига бориб қўшиладиган бўлди. У бир йил ижара асосида "Ривер Плейт"да тўп тепади. 

Клаудио Аргентина сафида Жаҳон чемпионатидаги кўрсатган ўйини орқали топ клублар эътиборига тушганди. Уни "Барселона" ва "Челси" жамоалари ҳам ўз сафига қўшиб олишга ҳаракат қилди.