Расман! "Милан" ҳужумчиси Ла Лига клубига кўчиб ўтди

“Милан” форварди Сусо фаолиятини ўз ватанида давом эттирадиган бўлди.

Аниқроғи, испаниялик футболчи “Севилья” сафига кўчиб ўтди. Андалусияликлар уни кейинчалик сотиб олиш ҳуқуқи билан 2021 йилнинг ёзига қадар ижарага олишган. Сусо янги жамоасида 14-рақамда тўп суради.

Маълумот учун, Сусо “Милан” сафида 2015 йилдан буён тўп суриб келаётган эди. У ўтган давр мобайнида 153 та ўйинда майдонга тушди ва 24 та гол ҳамда 31 та голли узатмага муаллифлик қилди.