Расман! "Нефтчи" ўз тарихида илк бор австралиялик футболчи билан шартнома имзолади
Томислав Мрчела расман "Нефтчи" аъзосига айланди. Бу ҳақда клуб матбуот хизмати хабар берди.
Иккинчи давра баҳсларига пухта хозирлик кўраётган "Нефтчи" футбол клуби таркибни кучайтириш мақсадида австралиялик тажрибали ҳимоячи Томислав Мрчела билан бир йилга мўлжалланган шартномани расмийлаштирди.
Томислав Мрчела 1990 йилнинг 1 октябрида Австралияда таваллуд топган. Футболчилик фаолияти давомида Хорватия, Хиндистон, Жанубий Корея каби давлатларида тўп тепган. Охирги ўйнаган клуби Австралия Олий дивизионининг "Вестерн Сидней" жамоаси бўлган.
"Умид қиламизки, "Нефтчи " тариҳидаги илк австралиялик футболчи ҳисобланадиган Томислав Мрчела ишончли ва ёрқин ўйинлари орқали минглаб футболсевар мухлисларимизнинг меҳрига сазовор бўлади", - дейилади хабарда.
Фикрлар