Расман! ОКМК албаниялик ҳужумчи билан шартнома имзолади

ОКМК ФК Ўзбекистон Суперлигасининг иккинчи давраси олдидан жамоани янада кучайтириш ва соғлом рақобатни яратиш мақсадида албаниялик марказий ҳужумчи Клейди Дацини ўз таркибига қўшиб олди.

Клейди Даци 1999 йил 22 апрелда Албаниянинг Тирана шаҳрида таваллуд топган. ОКМК ФК ва 186 см бўйга эга бўлган легионер футболчи ўртасида 2.5 йиллик шартнома имзоланди.

ОКМК ФКнинг хорижлик футболчиси фаолияти давомида "Теута", "Кастриоти", "Кукеси" ва "Партизан" клубларида жами 128 марта майдонга тушиб, рақиблар дарвозасини 24 бор ишғол қилган. Шунингдек, 4 бор голли узатмали самарадорликни амалга оширган.