Расман! Ўзбекистон терма жамоаси ҳужумчиси "Бунёдкор"га ўтди

Фарғонанинг "Нефтчи" жамоаси ҳужумчиси Азизбек Амонов фаолиятини "Бунёдкор"да давом эттиради. Бу ҳақда ЎзПФЛ матбуоти хабар берди. 

27 ёшли футболчи эркин агент сифатида "қалдирғочлар" сафига кўчиб ўтади. Шартнома муддати 2025 йилнинг 31 декабрига қадар мўлжалланган.

Маълумот учун, Амонов БААнинг "Хорфаккан" жамоасидан эркин агент сифатида "йўлбарслар" сафига келиб қўшилган эди.