Расман! "Пахтакор" етакчиси жамоа билан шартномани узайтирди

Сербиялик футболчи Драган Черан Тошкентнинг "Пахтакор" клуби билан амалдаги шартномасини бир йилга узайтирди.

Черан ҳозирга қадар жамоамиз сафида жами 144 ўйинда 89 гол муаллифига айланган. У Суперлига тарихида биринчи бўлиб кетма-кет уч марта тўпурар сифатида рекорд қўйишга эришган. "Пахтакор" футбол клуби ва футболчи ҳамкорликни давом эттиришга қарор қилди. Шу тариқа Черан 2023 йил охиригача "Шерлар" сафида қолади.

Қайд этиш лозим, айни вақтда 34 ёшли футболчининг "трансфермаркт" порталидаҳи баҳоси 500 минг еврони ташкил қилади.