Расман! "Реал" футболчиси учун мавсум тугади

Ла Лиганинг 13-туридан ўрин олган "Реал"-"Осасуна" учрашувида "қироллик клуби" 4:0 ҳисобида ғалаба қозонди. Бироқ, клубнинг 3 футболчиси жароҳат олди. Улар Эдер Милитао, Родриго ва Васкес бўлишди.

Марказий ҳимоячи Милитаога хочсимон пайлар узилиши ташхиси қўйилди. У камида 9 ойга сафдан чиқди.

Родриго ва Васкес декабр ойида қайтишлари кутилмоқда.

Эслатиб ўтамиз, бразилиялик ҳимоячи ўтган мавсум ҳам хочсимон пайлари узилиши оқибатида мавсумнинг охирига яқин сафга қайтган эди.