Расман! УЕФА Чемпионлар лигасининг қолган ўйинлари Португалияда ўтказилади

УЕФА Чемпионлар лигасининг чорак финал баҳслари 12-15 август, ярим финал 18-19 ҳамда финал 23-август куни бир ўйинли форматда бўлиб ўтади. Бу ҳақда УЕФА расмий сайти хабар тарқатмоқда.

Ушбу ўйинлар Лиссабондаги "Эштадиу да Луиш" ва "Жозе Аваладе" стадионларида ўтказилади. 1/8 финал ўйинлари эса 7 ва 8-август кунлари ўтказилиши режалаштирилган.

Эслатиб ўтамиз, 1/4 финал босқичига "Аталанта", "Атлетико", ПСЖ ва "РБ Лейпциг" клублари чиқишган. "Ювентус" - "Лион", "Барселона" - "Наполи", "Манчестер Сити" - "Реал" ва "Бавария" - "Челси" жуфтликларида эса жавоб баҳслари ўтказилиши керак.

Матнда хатолик топсангиз, ўша хатони белгилаб, бизга жўнатинг (Ctrl + Enter)