Расман! Виталий Левченко - "Истиқлол" бош мураббийи (Фото)

Виталий Левченко - "Истиқлол" жамоаси бош мураббийига айланди. Бу ҳақда клуб матбуот хизмати хабар берди.

"Истиқлол" футбол клуби Виталий Григоревич Левченкони жамоа бош мураббийи этиб тайинлаганини эълон қилди.

Виталий Левченко илгари "Истиқлол" футбол клубини бошқарган ва клуб билан ички ва халқаро миқёсда катта ютуқларга эришган.

Унинг раҳбарлигида жамоа Тожикистон чемпиони бўлди ва мамлакатни ОФК Чемпионлар Лигасида муваффақиятли ҳимоя қилди, жумладан, турнирнинг гуруҳ босқичида иштирок этди.

Левченко сўнгги уч мавсумни "Нефтчи Фарғона" жамоасида ўтказди ва жамоани 2025 йилги мавсумда Ўзбекистон чемпионлигига олиб чиқди.

Виталий Григоревич билан шартнома 2026 йилги мавсум охиригача имзоланди. "Истиқлол" футбол клуби раҳбарияти Виталий Левченкога фаолиятида муваффақиятлар ва жамоа билан янги ғалабаларни тилайди", - дейилади хабарда.