Расман! ВХЛ ўйинлари ҳам тўхтатилди

Олий хоккей лигасининг (ВХЛ) Петров ва Федерация кубоклари 24 мартга қадар тўхтатилди. Бу ҳақда ВХЛ матбуот хизмати хабар бермоқда.

Хабарда айтилишича, коронавирус пандемиясининг кенг тарқалаётгани ҳамда Россия спорт вазирлигининг тавсиясига кўра ВХЛ Россия хоккей федерацияси ва иштирокчи жамоалар билан маслаҳатлашган ҳолда Петров кубоги ва Федерация кубоги ўйинларини 18 мартдан 24 мартгача ўтказмасликка қарор қилган.

ВХЛ шундан сўнг чемпионатни давом эттирмоқчи. Плей-офф ўйинларини давом эттирилиш санаси кейинроқ расман эълон қилинади.