Расул Йўлдошев: "Арсенал" кучли жамоа экан

Аввал хабар берганимиздек, иккинчи даврага Беларусда тайёргарлик олиб бораётган “Бунёдкор” бугун Минскнинг “Арсенал” клубига қарши назорат учрашуви ўтказди ва 1:0 ҳисобида мағлубиятга учради.

Ўйиндан сўнг "қалдирғочлар" аъзоси Расул Йўлдошев ўз фикрлари билан ўртоқлашди.

- Бугун Беларусь Олий лигасида иштирок этадиган "Арсенал" жамоасига қарши ўйнадик. Яхши жамоа экан. "Энергетик-БГУ" билан солиштирганда "Арсенал" нисбатан кучлироқ туюлди. Аммо турнир жадвалида улар нисбатан пастроқ поғонада боришмоқда. Худо хохласа иккинчи даврага биринчисидан кўра кучлироқ бўлиб қайтамиз ва ўйлаган мақсадларимизга эришамиз.

Беларусь йиғини доирасида яна 2 та ўйинимиз бор. Мураббийимиз ушбу учрашувларда ўзини кўрсатиши учун ҳаммага тенг имконият беряпти.

Минскдаги ўқув-машғулот йиғинлари ҳақида гапирадиган бўлсак, бу ерда об-ҳаво айни футбол ўйнайдиган даражада экан. Бизга жуда ҳам қулай бўляпти. Бундай йиғинларни кўпроқ бўлиши фақатгина барчамиз учун жуда фойдали бўлади.

Эслатиб ўтамиз, "Бунёдкор" 16 июль куни Беларусь Олий лигасининг яна бир клуби - "Энергетик-БГУ"га қарши назорат ўйини ўтказган ва 2:2 ҳисобида дуранг қайд этган эди. Виктор Карпенко шогирдларини бугун "Меджимурье" клубига қарши ўйин ҳам туриб турибди. Ушбу баҳс Тошкент вақти билан соат 21:00 да бошланади.