Равшан Ягудин яна бир йил "Динамо"да қолади

"Динамо" Равшанбек Ягудин билан шартномани узайтирди.

"Динамо" ПФК шартномаси якунига етаётган бир қатор ўйинчилар билан келишувни узайтиришда давом этмоқда.

Сўнгги 3 йилдан буён жамоамиз шарафини муносиб ҳимоя қилиб келаётган дарвозабон Равшанбек Ягудин 2026 йилги мавсумни ҳам «Динамо» сафида ўтказади. Тажрибали дарвозабон билан амалдаги келишув 2026 йил якунигача узайтирилди. 

Ўтган йиллар давомида жамоамиздаги ишончли ва барқарор ўйинлари билан мухлислар ҳурматига сазовор бўлган голкипер «Динамо»даги 4-мавсумини ҳам барқарор ўтказишига ишонамиз", - дея хабар берди клуб матбуоти.