Райан Гарсия яна бир жаҳон чемпионига "вызов" ташлади

Ярим ўрта вазнда WBC чемпиони Райан Гарсия Лас-Вегасда қўлга киритган ғалабасини узоқ нишонлаш ниятида эмас. Конор Беннни жуда қисқа фурсатда ва ишончли тарзда мағлуб этганидан сўнг, америкалик юлдуз расман иккинчи чемпионлик камари учун кураш бошлаганини эълон қилди ва WBA чемпиони Теофимо Лопесга очиқ чақириқ йўллади.

"Мен Теофимони еттинчи ёки саккизинчи раундда нокаут қиламан. Мақсадим — камарларни бирлаштириш, Лопес билан жанг эса бу йўлда тўғри ва мантиқий қадам. Бу улкан тўқнашув бўлади, Лопеснинг ўзи ҳам жуда яхши рақиб. Шунинг учун гапни кўпайтирмайлик, шунчаки бу баҳсни тезроқ ташкиллаштириш керак", — деди WBC чемпиони.

Эслатиб ўтамиз, 12 сентябрь куни Гарсия жаҳон боксидаги энг йирик юлдузлардан бири эканини яна бир бор исботлади. Райан Конор Беннни иккинчи раунднинг ўзидаёқ мағлуб этиб, ўз нуфузини мустаҳкамлаб қўйди.