“Реал”, бу футболчи учун 121 миллион евро сана!

Англия Премьер-лигасининг етакчи клубларидан ҳисобланган “Челси” келаси ёзда ҳам трансфер бозорида фаоллик кўрсатишга тайёрланмоқда.

Лондонликлар янги ижрочиларни таклиф этиш баробарида ўз ўйинчиларини сотиб орқали ҳам клуб ғазнасига даромадли тушумларни амалга оширмоқчи.

TEAMtalk нашрининг ёзишича, “аристократлар” анчадан бери “Реал” нишонида турган ярим ҳимоячи Энцо Фернандесни трансфер қилишга тайёр. Мадридликлар ёзда аргентиналик жаҳон чемпионига қизиқиш билдирган эди. Лекин иш  расмий таклифгача етиб бормади.

“Челси” ўз ўйинчиси “Қироллик клуби” нишонида турганини билади ва шу боис, улар Энцо Фернандес учун бўладиган таклиф 121 миллион евродан бошланса, музокарага тайёрлигини билдирди.

Гап шундаки, лондонликлар Энцо Фернандесни 2023 йилнинг бошида “Бенфика”дан айнан шу суммага сотиб олган ва бўлажак трансфердан зиён кўрмоқчи эмас.

Transfermarkt портали 24 ёшли футболчини 75 миллион еврога баҳоламоқда. Энцонинг “Челси” билан тузган шартномаси 2032 йилнинг 30 июнигача давом этади.