“Реал” афсонаси клубдан аразлади ва кетадиган бўлди

“Реал” раҳбарияти 2021 йилдан бери жамоани бошқариб келган Карло Анчелотти ўрнига “Байер”да муваффақиятли ишлаган Хаби Алонсони бош мураббий этиб танлади.

“Қироллик клуби” бу номзодни бир неча мутахассислар орасидан танлаб олди. Бош мураббийликка даъвогарлар орасида “Реал” ёшлар жамоаси билан ишлаётган машҳур тўпурар Рауль Гонсалес ҳам бор эди.

47 ёшли мураббий 2019 йилдан бери ёшлар жамоасида муваффақиятли ишлаб келаётганди. Relevo нашрининг ёзишича, “Реал”нинг собиқ сардори клуб раҳбариятининг бош мураббий танловидан хафсаласи пир бўлган.

“Қироллик клуби” хўжайинлари ўзига имкон бермаганидан хафа бўлган Рауль Гонсалес клубдан кетишга қарор қилди.

Рауль Гонсалес анчадан бери мустақил тарзда бош мураббийлик фаолиятини бошлашни режалаштириб юрибди.