"Реал" АПЛ клубининг икки футболчисини олмоқчи

"Реал Мадрид" Англиянинг "Борнмут" клубидан бир вақтнинг ўзида икки футболчини ўз сафига қўшиш олиши мумкин.

"Қироллик клуби" чап қанот ҳимоячиси Милош Керкез ва марказий ҳимоячи Дин Хейсен билан шартнома имзолаш имкониятини кўриб чиқмоқда. TodoFichajes хабар беришича, "Реал" ушбу икки футболчини келаси трансфер ойнасида қўлга киритмоқчи.

Transfermarkt портали маълумотига кўра, 21 ёшли Керкезнинг қиймати 28 миллион евро, 19 ёшли Хейсеннинг нархи эса 18 миллион евро деб белгиланган. Шунингдек, ушбу футболчилар билан "Ливерпуль" ва "Манчестер Юнайтед" ҳам қизиқаётгани айтилмоқда.