"Реал" августда Анчелоттининг собиқ жамоасига қарши ўйин ўтказади

Мадриднинг "Реал" клуби "Милан" билан ўртоқлик учрашуви ўтказиш бўйича келишувга эришган. Бу ҳақда клуб расмий сайти хабар тарқатмоқда.

Қайд этилишича, ўйин 8 август куни Клагенфурт шаҳрида (Австрия) бўлиб ўтади. Бу "қироллик" клуби учун мавсумолди тайёргарлик жараёнидаги иккинчи ўртоқлик ўйини бўлади. Боиси Карло Анчелотти шогирдлари 25 июль куни Стивен Жеррард мураббийлигидаги "Рейнжерс"га қарши ўйнайди.

"Реал" ўтган мавсум Зинедин Зидан бошчилигида Ла Лигада иккинчи ўринни эгаллади ва Чемпионлар лигаси ярим финалига қадар етиб борди.

“Реал” Ла Лиганинг янги мавсум илк турини 15 август куни сафарда “Алавес”га қарши ўтказади.