"Реал" футболчиси бир ойга сафдан чиқди

Мадриднинг "Реал" клуби ярим ҳимоячиси Браим Диас жароҳати сабаб 3-4 ҳафта майдонга туша олмайди. Бу ҳақда AS нашри хабар тарқатмоқда.

Юқоридаги манбаага кўра 20 ёшли испаниялик футболчининг мушаклари шикастланган.

Эслатиб ўтамиз, бундан аввалроқ Диасни “Милан” клуби ўз сафига қўшиб олмоқчилиги ҳақида хабарлар тарқалган эди.

Маълумот учун, Диас “Реал” сафига жорий йилнинг январида 17 млн евро эвазига “Манчестер Сити”дан келиб қўшилган эди. У ўтган мавсум Ла Лигада 9та ўйинда майдонга тушди.