Асенсио маст ҳолда автомобиль бошқаргани учун жазолангани ҳақида гапирди

Мадриднинг «Реал» клуби ҳимоячиси Рауль Асенсио ҳайдовчилик ҳуқуқидан маҳрум этилгани ҳақида фикр билдирди.

Футболчининг айтишича, у оғир даврни бошдан кечирган. Шунингдек, у жиддий хато қилганини тан олди.

«Мен узр сўраганман ва узр сўрашда давом этаман. Мен 23 ёшдаман. Бу ёшда ҳар қандай инсон хато қилиши мумкин, аммо қаерда эканимни тушунишим керак. Мен «Реал»да ўйнайман, шунинг учун бундай ҳолат бошқа такрорланмаслиги лозим. Мен ҳаммасини тўғрилашни ва ушбу клуб билан совринлар ютишни орзу қиламан», — дея Асенсионинг сўзларини Madrid Universal келтирмоқда.

Жорий мавсумда ҳимоячи бирор марта ҳам майдонга тушмади. У жароҳати сабаб чемпионат бошланишини ўтказиб юборди.