“Реал” икки юлдуз ўрнига оддий футболчи танлади

“Реал” раҳбарияти икки машҳур футболчи – “Манчестер Юнайтед” ярим ҳимоячиси Поль Погба ва “Милан” етакчиси Франк Кассиэ учун курашдан чиқди.

“Қироллик клуби” мутасаддилари эркин агентга айланадиган бу ўйинчилардан кўра “Аякс”да ишончли ўйин намойиш этаётган истеъдодли ёшлардан бири Райан Гравенберхни трансфер қиладиган бўляпти.

19 ёшли Гравенберх “Аякс” тарбияланувчиси ҳисобланади. Жорий мавсумда барча турнирларда 27 та учрашув ўткизиб, битта гол ва тўртта ассист муалифи бўлган ўйинчининг амстердамликлар билан ҳамкорлиги 2023 йилнинг ярмигача давом этади.

Transfermarkt портали истеъдодли ярим ҳимоячини 35 миллион еврога баҳолаган.

Гравенберх ёш бўлишига қарамай, Нидерландия терма жамоаси сафида ўнта учрашувда битта гол уришга эришган.

Фикрлар

Фикр қолдириш учун авторизациядан ўтинг!