“Реал” катта ишга қўл уриб, “Барса”ни доғда қолдирмоқчи

“Барселона” бир неча мавсумдан бери “Манчестер Сити” юлдузи Бернарду Силвани ўз сафига қўшиб олишга ҳаракат қилмоқда.

Энди португалиялик ҳужумкор футболчига “Реал” ҳам даъвогарлик қила бошлади. Мадридликлар ёзда Килиан Мбаппе ва Альфонсо Дэвисни трансфер қилишни режалаштирган. Учинчи нишон сифатида айнан Бернарду Силва танланди.

Бернардунинг ўзи “Сити”дан кетишга тайёр. У серқуёш Испанияда тўп тепишни истаяпти. Қолаверса, юқор савияли ўйинчини “Сити” 50 миллион еврога қўйиб юборишга рози.

Трансфер бўйича экспертлар “Барселона” учун бу сумма оғирлик қилиши, лекин “Реал”га жуда маъқул нарх эканини таъкидламоқда.

“Қироллик клуби” яқин орада ёши ўтиб қолган Лука Модрич билан хайрлашади. Бернарду Силва айнан хорватиялик футболчи ўрнини босиб, майдон марказидаги устунликни таъминлаб бериши кутиляпти.