"Реал" кетказиб юборган футболчи Мессининг рекордини урди

«Фиорентина» Мадриднинг «Реал» клубидан ижарага олган ҳужумкор футболчи Франко Мастантуоно А Сериядаги «Венеция»га қарши баҳсда (4:2) учта гол уриб, ўйин қаҳрамонига айланди.

19 ёшли аргентиналик футболчи рақиб дарвозасини 29-, 30- ва 84-дақиқаларда ишғол этди. ESPN хабарига кўра, шу тариқа Мастантуоно Лионель Мессига тегишли рекордни янгилаб, Европанинг беш етакчи чемпионати доирасида хет-трик қайд этган энг ёш аргентиналик футболчига айланди.

«Фиорентина» Франко Мастантуонони август ойи бошида «Реал»дан мавсум охиригача ижарага олган эди. Шу пайтгача аргентиналик иқтидор эгаси бу жамоа таркибида майдонга тушган аввалги тўртта учрашувда ўзини кўрсата олмаган эди.