“Реал Мадрид” “Челси” футболчиси билан келишувга эришди!

“Челси” ва Испания терма жамоаси ҳимоячиси Марк Кукурелья Мадриднинг “Реал” клубига ўтади. Бу ҳақда инсайдер Фабрицио Романо ижтимоий тармоқларда маълум қилди.

“Томонлар, жумладан футболчи билан ҳам оғзаки келишувга эришилди. У Моуриньо истаган чап қанот ҳимоячиси ҳисобланади. Келишув тафсилотлари кейинроқ эълон қилинади”, — деб ёзади Романо.

Кукурелья янги клубига Жаҳон чемпионатидан сўнг келиб қўшилади.

Эслатиб ўтамиз, ўтган мавсум якунларига кўра “Челси” Кукурелья билан бирга Европа кубокларига ҳам йўл ола олмади.

Шунингдек, “Реал Мадрид”га Флорентино Перес президент этиб қайта сайланганидан сўнг жамоа бош мураббийи сифатида Моуриньо тайинланди.