"Реал Мадрид"нинг собиқ футболчиси Қирғизистон терма жамоасини бошқаради!

Хорватиялик Роберт Просинечки Қирғизистон миллий терма жамоаси бош мураббийи этиб тайинланди. Бу ҳақда Қирғизистон футбол иттифоқи (КФУ) матбуот хизмати маълум қилди.

Унинг шартномаси 1 йил ва 1 ой давом этади. Агар жамоа 2026 йилги Осиё Кубогида муваффақиятли натижа кўрса, Просинечки билан шартнома яна 3 йилга узайтирилади.

Роберт футбол оламида танилган мутахассис ҳисобланади. У Австрия, Босния ва Черногория миллий жамоаларини бошқарган, Хорватия терма жамоасида ассистент бўлган, шунингдек бир қатор Европа клубларида, жумладан Туркия ҳам ишлаган. Футболчи сифатида эса у “Реал Мадрид”, “Барселона” ва “Црвена Звезда” каби машҳур клубларда асосий ўйинчи бўлган ва 1998 йилги Жаҳон чемпионатида терма жамоаси таркибида бронза медалини қўлга киритган.