"Реал" "Милан" ҳимоячисини ўз таркибига қўшиб олмоқчи

"Реал" мудофаани кучайтириш мақсадида ҳимоячи сотиб олишни режа қилган. Вариантлар орасида "Милан" вакили Малик Тиав ҳам бор дея хабар бермоқда "Mundo Deportivo" нашри. 

Манбанинг таъкидлашича, ушбу трансфер мадридликларга 17 миллион фунтга тушиши мумкин. Германиялик футболчига "қаймоқранглилар"дан ташқари "Вест Хэм" ва "Бавария" каби клублар ҳам қизиқиш билдирмоқда. 

Маълумот учун, Тиав 2022 йили "Шальке"дан "Милан"га 9 миллион евро эвазига келиб қўшилган. У мазкур мавсумда жамоаси таркибида 9 та ўйинда иштирок этди.