“Реал” Моуриньога муҳим вазифаларни юкламоқчи

Бутун матбуотда “Реал”нинг янги бош мураббийи Жозе Моуриньо бўлиши ҳақида хабарлар тарқалмоқда. 

The Touchline хабар беришича, португалиялик мураббийга ўзини ҳали ҳам юқори даражадаги мутахассис эканини исботлаш учун бор йўғи бир мавсум берилади. 

Манбанинг маълум қилишича, ушбу биттагина мавсум ичида Жозе 3 та муҳим шартни бажарса, клуб билан узоқроқ муддатга мўлжалланган шартнома имзолайди. 

“Реал” раҳбарияти Жозе Моуриньодан талаб қиладиган шартлар қуйидагича:

Ла Лигада чемпион бўлиш;

Чемпионлар лигасида муносиб иштирок этиш ва энг камида ярим финалга чиқиш;

Жамоадаги ички муҳитни яхшилаш ва футболчилар ўртасидаги зиддиятларни йўқотиш.

Эслатиб ўтамиз, “қироллик клуби” кетма-кет иккинчи мавсум ҳеч қандай соврин ютмаяпти.