"Реал"нинг ҳафсаласини пир қилган футболчи номи айтилди

Футболчи жиддий хатога йўл қўйди. «Реал» раҳбарияти ҳимоячи Рауль Асенсиодан қаттиқ норози. Бу ҳақда Onda Cero хабар берди.

Маълумотларга кўра, футболчи маст ҳолатда рулга ўтирган. Шунинг учун Асенсиога жарима солинган ва унинг ҳайдовчилик гувоҳномаси муайян муддатга олиб қўйилган. Мадрид клуби ҳимоячига нисбатан ички интизомий текширув бошлаган.

Рауль Асенсио — «Реал» академияси тарбияланувчиси. Ўтган ёзда мадридликлар уни сотишни режалаштирган, аммо футболчининг ўзи Испания клубини тарк этишдан бош тортган эди.