"Реал" ўйнаган машҳур футболчи Чемпионлар лигаси ғолибини айтиб, улар қаторига Моуриньо жамоасини қўшмади

Мадриднинг машҳур «Реал» клуби собиқ футболчиси Стив Макманаман жорий мавсум УЕФА Чемпионлар лигасида ғолибликка даъвогар деб ҳисоблаётган жамоалар ҳақида фикр билдирди.

Унинг таъкидлашича, асосий фаворитлар қаторида, аввало, «ПСЖ» тилга олиниши керак.

«Албатта, фаворитлар орасида «ПСЖ» бор. Бу жамоа кубокни кетма-кет икки мавсум қўлга киритди. Шунингдек, каталониялик «Барселона»ни ҳам ажратиб кўрсатаман. Ханси Флик бошқарувидаги жамоа Испания чемпионатида жуда яхши ўйин намойиш қилмоқда.

Ўтган мавсум билан солиштирганда, «блауграна» анча ўсишга эришди. Улар энг юқори мақсадлар учун курашишга тайёр», – дея Макманаманнинг сўзларини Metro нашри келтиради.

Эслатиб ўтамиз, ўтган мавсум Чемпионлар лигаси финалида «ПСЖ» ва Лондоннинг «Арсенал» жамоалари тўқнаш келган эди. Луис Энрике шогирдлари пенальтилар сериясида «канонирлар»ни мағлуб этиб, кубокни қўлга киритганди.