"Реал" ўз футболчисини бошқа жамоага жўнатишни режалаштирмоқда

"Реал Мадрид" клуби келаси мавсум учун таркиб борасида режалар тузмоқда. Жамоани ҳужумкор ярим ҳимоячиси Франко Мастантуоно тарк этиши мумкин.

OK Diario нашрининг хабар беришича, "қаймоқранглилар" футболчини бошқа жамоага ижарага бериш вариантини кўриб чиқмоқда. Кўриниб турибдики, "Реал" Мастантуоно мунтазам ўйин амалиётига эга бўлишини ва ривожланишини истамоқда. Аввалроқ, қишда мадридликлар Эндрикни "Лион"га юборган эди. Ёзда бразилиялик футболчи яна жамоага қайтиши кутилмоқда.

Маълумот учун, Франко ўтган ёзда  "қироллик клуби" сафига қўшилган. Шундан бери аргентиналик футболчи 27 та ўйинда иштирок этиб, 3 та гол ва 1 та ассист қайд этди.