“Real” o‘z yulduzini Angliya grandlariga qo‘yib yuboradimi?

Angliyaning ikki grandi – “Liverpul” va “Arsenal” kelasi yozda “Real” yarim himoyachisi Orelen Tchuamenini transfer qilishni rejalashtirmoqda.

Taniqli insayder Fabritsio Romano bu masalaga oydinlik kiritdi.

Manbaning ta’kidlashicha, Angliya klublari qanchalar badavlat bo‘lmasin, ular frantsiyalik futbolchini qo‘lga kirita olmaydi. Chunki “Real” rahbariyati, murabbiylar shtabi, jamoa va muxlislar Orelen Tchuamenini juda qadrlashadi.

Bundan tashqari, 24 yoshli futbolchi “Real” loyihasidagi muhim figuralardan hisoblanadi. Uning “Qirollik klubi” bilan hamkorligi 2028 yilning yarmigacha davom etishi belgilangan.

Transfermarkt portali Tchuamenini 100 million evroga baholamoqda.