"Real" Rodri masalasida shoshmasdan e'tiborini boshqa transferga qaratdi

Ispaniya futbolidagi manbalarning taʼkidlashicha, «Real» klubi «Manchester Siti» yarim himoyachisi Rodri transferi boʻyicha rejalarini hozircha orqaga surgan.

Madrid jamoasi hozir barcha eʼtiborini «RB Leyptsig» vingeri Yan Diomande transferiga qaratmoqchi. 

Ushbu kelishuv yakunlangandan soʻng Rodrini olish «Real» uchun asosiy vazifalardan biriga aylanishi kutilmoqda. Ispaniyalik havbekning «Manchester Siti» bilan amaldagi shartnomasi 2027 yil yozigacha moʻljallangan.

OAV xabarlariga koʻra, «Manchester Siti» klubi futbolchi bilan shartnomani uzaytirish niyatida. Biroq Rodrining oʻzi «Real» safiga oʻtish istagini bildirgani aytilmoqda.