"Реал" Санчони қачон сотиб олиши маълум

“Боруссия” Дортмунд вингери Жейдон Санчо ҳамон “Реал”нинг диққат марказида бўлиб турибди.

AS нашрининг хабар беришича, “Қироллик клуби”нинг узоқ йиллик режасидан айнан ёш ва иқтидорли футболчиларни сотиб олиш жой олган. “Боруссия” ва “Реал” клублари ўртасидаги илиқ муносабат сабаб Санчо Мадридга кўчиб ўтиши мумкин. Аммо, бу борадаги якуний қарор барибир англиялик футболчининг ўзида қолади. Чунки, унга “Манчестер Юнайтед” ва яна бир қатор Европа грандларидан ҳам қизиқишлар бор.

“Реал” Санчони 2021 йилда сотиб олишни режалаштирмоқда. Боиси, коронавирус туфайли юзага келган иқтисодий инқироз сабаб “қҚироллик клуби” бу ёз йирик харидларни амалга оширмоқчи эмас.