“Real” superfutbolchiga qancha berishi ma’lum bo‘ldi

“Borussiya” jamoasining 19 yoshli yarim himoyachisi Jud Bellingem yozgi transferlar mavsumida “Real”ga ko‘chib o‘tishi kutilmoqda.

Marca nashri “Qirollik klubi” angliyalik futbolchi bilan uzoq muddatli shartnoma tuzib, har mavsum uchun 12 million evrodan maosh to‘lashga tayyorligi haqida ma’lumot tarqatdi.

Bundan tashqari, madridliklar transferni amalga oshirish uchun dortmundliklarga 110 million evro berishni rejalashtirmoqda.

Bellingemning dortmundliklar bilan shartnomasi 2025 yilning yozigacha tuzilgan. Biroq, “Borussiya” bir qator grandlar nishonida turgan o‘yinchi transferidan daromad ishlab olish maqsadida uni sotib yuboradi.