"Реал" трансфер учун ҳийла ишлатди. "Бавария" чув тушди!

Мадриднинг «Реал» клуби вакиллари шу ҳафтада Германияга сафар қилиб, «Лейпциг» раҳбарияти билан ҳужумчи Яна Диомандани сотиб олиш масаласини муҳокама қилгани маълум бўлди. AS нашрининг ёзишича, футболчининг ўзи ҳам «Реал»га ўтишга розилик берган.

Манбага кўра, ҳозирча келишув тўлиқ якунланмаган, аммо 19 ёшли форварднинг «Реал»га 115–120 миллион евро атрофидаги сумма эвазига кўчиб ўтиши кутилмоқда.

Хабарда таъкидланишича, аввалроқ Диоманданинг келажаги ПСЖ билан боғланиб келаётганди. Аммо мадридликлар музокараларни яширин тарзда олиб борган, омма эътиборини эса «Бавария» вингери Майкл Олисега бўлган қизиқиш ҳақидаги миш-мишлар билан чалғитиб турган. Шу орқали улар «Лейпциг» футболчиси бўйича битимни тайёрлаган. Бу ҳолат ҳимоячи Марк Кукурелья трансферига ўхшатилмоқда: ўшанда ҳам «Реал» Испания терма жамоаси аъзоси бўлган футболчига бошқа клублар даъвогарлик қилаётган бир пайтда тўғридан-тўғри «Челси» билан алоқа ўрнатган эди.

Ўтган мавсумда Диоманда барча мусобақалар доирасида 36 та ўйинда майдонга тушиб, 13 та гол урди ва 10 та голли узатма амалга оширди. Transfermarkt портали маълумотларига кўра, ҳужумчининг бозор қиймати 90 миллион еврога баҳоланган.

«Реал» Мадрид нима учун ХХ асрнинг энг яхши клуби сифатида эътироф этилгани бежиз эмас: