"Реал Мадрид" ярим ҳимоячилар Федерико Вальверде ва Орельен Тчуамени ўртасидаги жанжал юзасидан расмий баёнот эълон қилди.
"Бугун эрталаб асосий жамоа машғулотида содир бўлган воқеалар сабаб клуб футболчилари Федерико Вальверде ва Орельен Тчуаменига нисбатан интизомий текширув бошлашга қарор қилди.
Клуб ички жараёнлар якунланганидан сўнг ҳар икки ҳолат бўйича қарорни эълон қилади", — дейилади “Реал” баёнотида.
Аввалроқ бир қатор ОАВ машғулотдан кейин жамоа ечиниш хонасида Вальверде ва Тчуамени ўртасида муштлашув чиққанини хабар қилганди. Маълумотларга кўра, можаро оқибатида уругвайлик футболчи йиқилиб, бошини столга урган ва жароҳат олган. Шунингдек, футболчилар ўртасидаги кескинлик 6 май куни бўлиб ўтган машғулот пайтидаёқ бошлангани айтилмоқда.
Фикрлар