"Реал" Вальверде ва Тчуаменига катта миқдорда жарима солди

"Реал" клуби Федерико Вальверде ва Орельен Тчуаменига нисбатан очилган интизомий иш бўйича расмий баёнот берди.

Клуб маълумотига кўра, икки футболчи бугун ишни кўриб чиқувчи масъул шахс олдида ҳозир бўлган. Суҳбат давомида улар содир бўлган воқеадан тўлиқ пушаймон эканини билдириб, бир-биридан кечирим сўраган.

Шунингдек, футболчилар клуб, жамоадошлар, мураббийлар штаби ва мухлислардан ҳам узр сўраб, "Реал" томонидан белгиланадиган ҳар қандай жазони қабул қилишга тайёр эканини маълум қилган.

Натижада мадридликлар ҳар икки футболчига 500 минг евродан молиявий жарима қўллашга қарор қилди. Шу билан клуб ичидаги интизомий жараён якунланган.