“Реал” Винисиус билан янги шартнома бўйича келишгани инкор этилди

Ҳозирча “Реал” ва ҳужумчи Винисиус Жуниор ўртасида 2027 йил ёзида тугайдиган шартномани узайтириш бўйича аниқ келишув мавжуд эмас. Бу ҳақда The Athletic хабар берди.

Манбага кўра, клуб футболчига солиқлардан кейин йилига 20 миллион евро маош таклиф қилган, бироқ бразилиялик юлдузнинг агентлари қарийб 30 миллион евро талаб қилмоқда.  Ҳозирда Винисиуснинг маоши 17 миллион еврони ташкил этади.

Таъкидланишича, талаб қилинган 30 миллион евро базавий маош, бонуслар ва шартномани узайтириш учун тўловларни ўз ичига олади. Илгари клуб бошқа футболчиларга бундай шартларни таклиф қилмаган.

2025 йил ёзидан буён Винисиус билан шартномани узайтириш масаласида сезиларли ўзгаришлар кузатилмаган.