“Реал” Холанд ўрнига бошқа тўпурар оладиган бўлди

“Реал” ёзда Килиан Мбаппени асосий нишон қилиб танлагани боис, Эрлинг Холанд трансферини амалга ошира олмайди.

Мадридликлар яқинда норвегиялик тўпурардан яна бир йил “Боруссия”да қолишни сўраган ва келаси йили уни ўз сафига қўшиб олиш режасини билдирган.

Бироқ, Холанднинг ёзда бошқа клубга ўтиб кетиш эҳтимоли катта. Дортмундликлар ҳам унинг ўрнига бошқа ҳужумчи қидиряпти. Эрлингга асосий даъвогар сифатида “Манчестер Сити” тилга олинмоқда.

“Қироллик клуби” Холандни қўлга кирита олмаса, эътиборини “Наполи” ҳужумчиси Виктор Осимхенга қаратади. Нигериялик ўйинчи А Серия клубига 20209 йили “Лилль”дан 75 миллион еврога ўтган эди. Неополликлар 23 ёшли ҳужумчисни 120 миллион еврога баҳоламоқда.