“Real” Xoland o‘rniga boshqa to‘purar oladigan bo‘ldi

“Real” yozda Kilian Mbappeni asosiy nishon qilib tanlagani bois, Erling Xoland transferini amalga oshira olmaydi.

Madridliklar yaqinda norvegiyalik to‘purardan yana bir yil “Borussiya”da qolishni so‘ragan va kelasi yili uni o‘z safiga qo‘shib olish rejasini bildirgan.

Biroq, Xolandning yozda boshqa klubga o‘tib ketish ehtimoli katta. Dortmundliklar ham uning o‘rniga boshqa hujumchi qidiryapti. Erlingga asosiy da’vogar sifatida “Manchester Siti” tilga olinmoqda.

“Qirollik klubi” Xolandni qo‘lga kirita olmasa, e’tiborini “Napoli” hujumchisi Viktor Osimxenga qaratadi. Nigeriyalik o‘yinchi A Seriya klubiga 20209 yili “Lill”dan 75 million evroga o‘tgan edi. Neopolliklar 23 yoshli hujumchisni 120 million evroga baholamoqda.