"Реал" "япониялик Месси"ни қайси клубга ижарага беради?

Ёзги трансферлар даврида “Реал”га кўчиб ўтган япониялик ярим ҳимоячи Такефуса Кубо янги мавсумни бошқа жамоада ўтказади.

Испан нашрлари тарқатган хабарга кўра “қироллик клуби” 18 ёшли футболчини Ла Лиганинг бошқа бир жамоаси – “Вальядолид”га ижарага бериб юборади.

Кубогинг ижарага кетишига сабаб унда Европа иттифоқи фуқаролиги йўқ. “Реал”да эса легионерлар лимити аллақачон тўлиб бўлган. Шу боис мадридликлар Кубони рўйхатдан ўтказа олиш имконига эга эмаслар.

Маълумот учун, “Реал” Кубони “Токио” клубидан 2 млн еврога сотиб олди. “Япониялик Месси” дея эътироф этилаётган футболчи “қироллик клуби” билан 2023 йилга қадар шартнома имзолади.