“Реал” Зиданга оғир шарт қўйди

Испания чемпионатида кутилган ўйин намойиш қила олмаётган “Реал”да бош мураббий ўзгариши мумкинлиги ҳақидаги хабарлар кўпайиб қолди.

Шунга қарамай, “Қироллик клуби” раҳбарияти Зинедин Зидан бир шартни бажарса, ишини давом эттириш имкони берилишини билдирди. Франциялик мутахассис жойида қолиши учун жамоа Европа Чемпионлар лигасида бош совринни қўлга киритиши керак.

Ички мусобақаларда эса, “Реал”нинг омади келмаяпти. Жамоа Испания кубогида учинчи дивизион вакили “Алькояно”дан мағлубиятга учради, чемпионатда эса “Атлетико”дан бир ўйин кўп ўтказган ҳолда, ўн очкога ортда қолмоқда.

Зинедин Зидан ўз вақтида мураббий сифатида “Реал”ни уч маротаба Чемпионлар лигаси ғолибига айлантирган.