"Реал" — "Сельта" учрашувида футболчиларнинг ҳакaмга айтган гаплари маълум бўлди

Ла Лиганинг 15-турида "Реал Мадрид" ўз уйида "Селта"га 0:2 ҳисобида мағлуб бўлди. Учрашув давомида бош ҳакам Александро Кинтеро мезбонлар сафидан Фран Гарсиа ва Алваро Каррерасни майдондан чиқариб юборди.

Шунингдек, Жуд Беллингем, Винисиус Жуниор, Родриго ва Дани Карвахал ҳам ҳакам билан тортишувга киришди. Қуйида улар ўртасидаги суҳбатлар билан танишишингиз мумкин.

Ўйин якунланганидан сўнг сариқ карточка олган Беллингем тўртинчи ҳакамга мурожаат қилиб, қуйидагиларни айтди:

"Сен аҳмоқсан."

Родриго эса Каррераснинг четлатилишидан сўнг "Сантяго Бернабеу" майдони ва "Реал" эмблемасига ишора қилиб бош ҳакамга шундай деди:

"Сиз турган жойингизга ҳурмат билан ёндашинг. Ҳурмат кўрсатинг." Бу сўзлари учун бразилиялик футболчи сариқ карточка олди.

Каррераснинг четлатилишидан ранжиган Винисиус эса ҳакамга шундай мурожаат қилди:

"Яна кўпроқ қизил карточка кўрсатинг." Шундан сўнг Эндрик ҳам майдондан четлатилди.

Дани Карвахалнинг Кинтерога айтган сўзлари эса ўйин протоколида қайд этилган:

"Мана сизларнинг даражангиз. Кейин матбуот анжуманида йиғлаб ўтирасизлар."