Ads

Deportes Cuatro нашри "Реал" Мадрид клубида футболчиларга нисбатан қўлланиладиган жарималар миқдорини аниқлади.

Юқоридаги манбаага кўра футболчилар машғулот бошланишидан 45 дақиқа аввал клуб қароргоҳига етиб келишлари шарт. Агар 5 дақиқа кеч қолинса 250 евро, 15 дақиқа кеч қолинса 500 евро, ундан кўпроқ муддатга эса минг евро жаримага тортилади. Агар футболчи ҳеч қандай сабабсиз машғулотга келмаса, 3 минг евро жарима тўлайди.

“Реал” кийиниш хонасида мобил телефонлар овозсиз режимда ишлаши керак. Агар кимда-ким бунга риоя қилмаса 500, кейинчалик 1000 евро жарима солинади.

Бундан ташқари “қироллик клуби” футболчилари дам олиш кунлари Мадрид ташқарисига чиқишмоқчи бўлишса, у ҳолда раҳбариятни бундан огоҳ қилишлари керак. Акс ҳолда 1000 евро жаримага тортилишади.