“Real”ga gol urgan futbolchi Mbappedan uzr so‘radi

Ispaniya chempionatining 22-turida musobaqa peshqadami “Real” safar uchrashuvida “Espanol”ga kichik hisobda yutqazib qo‘ydi.

Uchrashuvdagi yagona golga mualliflik qilgan “Espanol”ning chap qanot himoyachisi Karlos Romero raqib hujumchisi Kilian Mbappedan uzr so‘radi.

Bellashuvning 60-daqiqasida himoyachi Mbappega orqadan podkat tashlab, uni yiqitdi. Lekin hakam uni haydamadi. Natijada aynan Romero 85-daqiqada “Real” darvozasini ishg‘ol qildi.

- Men Mbappeni to‘xtatish imkonsizligini bilaman, uni qo‘limdan kelgancha ushlab qolishga harakat qildim. To‘rg‘i, qilgan ishim xunuk bo‘ldi, men undan uzr so‘radim. Bu vaziyat janjalga bormadi, hammasi maydonda qoldi, - dedi Kaolos Romero.

Ko‘pchilik, xususan, madridliklar bosh murabbiyi Karlo Anchelotti Mbappe yiqitilgan vaziyatda Romeroga qizil kartochka berilishi kerakligini ta’kidlamoqda.