“Реал”га учта зўр футболчи топиб беришди

“Реал” келаси мавсум олдидан ҳимоя чизиғини мустаҳкамлайди. Клуб хўжайини Флорентино Перес янги ўйинчиларни танлаш ваколатини селекция хизмати раҳбариЖуни Калафатга топширган.

Бу мутахассис ёш ўйинчиларни кашф этиш маҳорати билан танилган.

Нуфузли манбалардан fichajes.net сайтига кўра, Калафат “Қироллик клуби” раҳбарини уч нафар франциялик футболчига эътибор қаратишга чақирди.

Унинг таъкидлашича, Кастелло Лукеба, Иброҳим Конате ва Жануэль Балосян ўз салоҳиятидан келиб чиқиб, “Реал”нинг ҳимоя чизиғидаги муаммоларни узоқ муддатга ёпиши мумкин.

DefensaCentral нашрининг ёзишича , Кастелло Лукеба  ёш бўлишига қарамай, “Лейпциг”нинг асосий ўйинчиларидан ҳисобланади.

“Ливерпуль”да тўп тепаётган Иброҳим Конате юқори нуфузли мусобақаларда иштирок этиш тажрибасига эга ва унинг ҳали очилмаган қирралари кўп.

19 ёшли Жануэль Белосян француз футболи кашфиёти сифатида эътироф этилган ва ёзда “Байер”га кўчиб ўтди.