"Real"ni tark ketishi mumkin bo‘lgan futbolchiga "Barselona" qiziqib, rad javobini oldi

"Real Madrid" darvozaboni Andrey Luninning kelajagi borasida yangi xabarlar paydo bo‘ldi. "Fichajes" nashrining ma’lumotiga ko‘ra, ukrainalik posbonga "Barselona" qiziqib ko‘rgan. 
 
Manbaga ko‘ra, 25 yoshli darvozabonga "Barselona" jiddiy qiziqish bildirib, Ter Shtegenga o‘rinbosar sifatida ko‘rgan. Klub prezidenti Joan Laporta futbolchining agenti Jorje Mendesh bilan bog‘lanib, uning transfer ehtimolini muhokama qilgan. 
 
Biroq, Mendesh bu taklifni rad etib, Lunin "Barsa"ga o‘tishni o‘ylamayotganini ma’lum qilgan. Bundan tashqari, "Real Madrid" ham o‘z o‘yinchisiini azaliy raqibga qo‘yib yuborish variantini qat’an rad etmoqda. 


 
Joriy mavsumda Lunin "qirollik klubi" safida 9 ta uchrashuvda maydonga tushib, 12 ta gol o‘tkazib yubordi va 4 ta uchrashuvni "quruq" yakunladi. Shuningdek, u La Ligada o‘z hisobiga golli uzatma ham yozdirib qo‘yishga muvaffaq bo‘ldi.