"Реал"нинг мағлубиятсиз серияси 20 тага етди

Испания Суперкубоги ярим финалида "Реал Мадрид" "Атлетико" билан тўқнаш келди. Карло Анчелотти шогирдлари 5:3 ҳисобида иродали ғалабани тантана қилиб, турнир финалига йўл олди.

Қайд этиш жоиз, “қироллик клуби" кетма-кет 20 учрашувдан бери мағлубиятга учрамади. Пойтахт гранди охирги марта 24 сентябр куни Ла Лигада “матрасчилар”дан мағлуб бўлганди.

Маълумот учун, "қаймоқранглилар" навбатдаги ўйинини 14 январь куни Испания Суперкубоги финали доирасида ўтказади. Учрашув Саудия Арабистонидаги стадионда бўлиб ўтади. "Барселона" - "Осасуна" жуфтлиги ғолиби уларга рақиб бўлади.